Килĕшӳ пур
Раҫҫей пенси фончĕн Чӑваш Республикинчи управленийĕн ертӳçи Валерий Николаев тата Чӑваш Енри хĕрарӑмсен канашĕн председателĕ Наталья Николаева пĕр-пĕринпе килĕштерсе ĕҫлессине ҫирӗплетсе килĕшӳ турĕç. Ҫакна ачаллӑ ҫемьесене, сусӑр ачасене пулӑшас тата хӳтĕлес тĕллевпе йĕркеленĕ. Чăваш Енри хĕрарăмсен канашĕн пĕрремĕш пухăвĕ пулнăранпа кăçал 95 çул çитет. Çак тапхăрта вĕсем йывăр лару-тăрăва лекнĕ çемьесене, сывлăх енчен хавшакраххисене пулăшассипе тата хӳтĕлессипе нумай ĕç тунă. Хĕрарăмсен канашĕ сывлăх сыхлав министерствипе килĕшӳ туса предприяти-организацисене тухать, хĕрарăмсен сывлăхне çирĕплетмелли ĕçсем ирттерет. Юристсен ассоциацийĕпе килĕшӳ туни саккунпа çыхăннă ыйтусене татса панă чухне пулăшать. Малашне вĕсем аслă ăрурисене те ытларах тимлĕх уйăрасшăн. «Эпĕ – хĕрарăм» конкурсра хастар пенсионерсене явăçтарма палăртаççĕ. Раççей пенси фончĕн республикăри управленийĕ те амăшĕпе ачасене пулăшассипе тимлет. Ĕçлемен хĕрарăмсене, ача çуратма хатĕрленекенсене, сусăр тĕпренчĕксене çитĕнтерекенсене тата ыттисене те пособи парса хавхалантараççĕ. Икĕ енлĕ килĕшӳ туни ачаллă çемьесене, амăшсене тата та ытларах пулăшма майсем туса памалла. Иван Иванов, Алина Сусметова, Юрий Марков