Управляющи компанисен ĕç-хĕлĕ тимлĕхре
<p>Чăваш Енре пĕрремĕш хут çуртсене пăхса тăракан<strong> </strong>компанисен рейтингĕпе 2023-мĕш çул пуçламăшĕнче паллаштарĕç. Кун пирки тунти кунсерен правительство çуртĕнче иртекен ларура каларĕç.</p>
<p>Çуртсене пăхса тăракан<strong> </strong>компанисен рейтингне çулталăк каялла, туянакансен прависене хӳтĕлемелли координаци канашĕнче хатĕрлеме ыйтнă. Республика Пуçлăхĕ Олег Николаев: «Управляющи компанисем хăйсен ĕç-хĕлне нумай хутлă çуртсенче пурăнакансен шучĕпе пурнăçлаççĕ», - терĕ Олег Алексеевич. Чи кирли - саккуна пăхăнса тăрăшмалла, кашни ĕç уçă та тĕрĕс пулмалла. «Çынсен управляющи компанисен ĕçĕ-хĕлне хаклама иккĕленӳ пулмалла мар», - терĕ республика ертӳçи.</p>
<p>Управляющи компанисен ĕç-хĕлне хакласа Чăваш Енре кăçал пуш уйăхĕнчен онлайн мелпе ыйтăм иртет. Çапла майпа республикăра пурăнакансем организацисен ĕç-хĕлне тӳрремĕнех хаклаççĕ. Регионти патшалăх çурт-йĕр инспекцийĕн ертӳçи Виктор Кочетков, нумай хваттерлӗ ҫуртсене тытса пырас енпе предпринимательлӗх ӗҫ-хӗлне пурнӑҫлама лицензи ӗҫӗсен вăхăтне тӑсма 125 заявлени пăхса тухнине каларĕ. 112 лицензие тăснă, тепĕр 13-шне ĕçлеме ирĕк паман. Йĕркене пăсни, асăрхаттарусене тимлеменни хăш-пĕр компание йывăрлăх умне кăларса тăратнă та.</p>
<p>Республика кăларăм валли Елшизавета Цветкова</p>