Раççей союзĕн спортсменĕсем Шупашкарта
<p>«Олимп чемпионĕсем – ачасене, çамрăксене, ача-пăча спортне». Пĕтĕм Раççейри ыркăмăллăх программипе килĕшӳллĕн Шупашкара тĕнче тата çĕршыв шайĕнче чапа тухнă спортсменсем килсе çитрĕç. Проектăн тĕп тĕллевĕ – сывă пурнăç йĕркипе туслă пулма хавхалантарасси. Малалла сăмах – Елизавета Цветковăна. Ирĕклĕ майпа кĕрешессипе олимп чемпионĕ Давид Мусульбес, йывăр атлетикăпа виçĕ хутлă тĕнче чемпионĕ Юрий Захаревич, хоккейла выляссипе олимп чемпионĕ Евгений Давыдов. Шупашкарти самбистсен шкулĕнче сумлă хăнасене ăшшăн кĕтсе илчĕç. Ачасем паллă спортсменсенчен асăнмалăх черет тăрсах автограф илчĕç. Вĕсем те аслисем пек паллă çын пулма ĕмĕтленеççĕ. Штанга йăтнă чухне мĕн çинчен шутланă, халĕ спортпа туслă-и, олимпиадăна хутшăннă чухне мĕн туйрăр? Уçă калаçура ачасем олимп легендисемпе шăпах çак ыйтусене тишкерчĕç. Чăваш спортсменĕсен пуласлăхĕ шанчăклă алăра. Çакна хăнасем те курса ĕненчĕç. ДАВИД МУСУЛЬБЕС: «Хальхи вăхăтра ачасемпе хутшăнни, калаçни пĕлтерĕшлĕ. Пирĕн вĕсене хамăр тĕслĕхпе çитĕнтермелле. Пулас спортсменсен, ашшĕ-амăшĕсен олимп чемпионĕсемпе тĕл пулни кирлĕ. Паян хуть те хăш тĕллеве пурнăçа кĕртме пулать, анчах ун патне çирĕп утмалла, шанмалла. Йывăр пулсан та çитмелле. Ăна валли пирĕн мĕн кирли – пурте пур». Республика Пуçлăхĕпе иртнĕ калаçу та тухăçлă иртрĕ. Олег Николаев сумлă хăнасене хисеп хучĕсемпе тата алла çыхмалли сехет парнелерĕ. Ĕçлĕ çул çӳревпе килнĕ спортсменсем тĕп хулари ытти спорт шкулне те çитсе курчĕç. Çĕртме уйăхĕн 10-12-мĕшĕсенче Шупашкарта хоккей турнирĕ иртĕ. Унта тĕнче шайĕнчи олимп чемпионĕсем те хутшăнĕç. Елизавета Цветкова, Николай Скворцов<strong> </strong><strong> </strong></p>