Реми со Чешка во баражот за ракометното Светско првенство
0
253
Ракометната репрезентација на Македонија одигра нерешено 24:24 на гостувањето во Злин против Чешка во првиот бараж натпревар за пласман на Светското првенство што ќе се игра идната година.
Во шестиот натпревар на гостувањата во Чешка, македонските ракометари имаа седум гола предност во второто полувреме, но по добрата серија, Чесите освоија реми. Кој ќе оди на СП во Полска и Шведска ќе биде одлучено в недела во СЦ „Борис Трајковски“ во Скопје, кога ќе се игра реваншот.
Селекторот на македонската репрезентација, Кирил Лазаров, по натпреварот изјави дека треба да бидеме задоволни од ремито.
„Ова да ми го нудеше некој пред натпреварот јас ќе го прифатев со две раце, затоа што ја репсектираме Чешка и Сабате како тренер. Сум задоволен, иако малку имам горчлив вкус“, изјави Лазаров за медиумите по натпреварот.
Најдобар во македонската репрезентација беше Филип Талески со пет постигнати голови, Лазаров и Гоце Георгиевски дадоа по четири, Кузмановски и Стоиов постигнаа три, додека Никола Митревски имаше 11 одбрани. Во редовите на Чешка, по пет гола дадоа Хрштка и Клима, а на голот одличен беше Мрква со 18 одбрани кој беше избран и за играч на натпреварот.