БИ-ИР КУЛИШМАЙМИЗМИ, ТОҒА?..

* * *

Эр газетада қайсидир машҳур актриса спортчига турмушга чиққани ҳақидаги хабарни ўқиб хотинига деди:

— Нега қаёқдаги анқов, аҳмоқ эркакларга дунёнинг энг гўзал қизлари учрайди-а?

Хотин эрига меҳр билан боқиб, сўнгра ўзини кўзгуга солиб деди:

— Раҳмат, азизим!

* * *

Ярим кечаси хотин эрини уйғотиб сўради:

— Каравот остида сичқон ниманидир қитирлаётгандай бўляптими?

— Нима қилай шунга? Миёвлайми?

* * *

Эшик қўнғироғи жиринглади.

— Кечирасиз, мен янги бассейн учун хайрия йиғиб юргандим.

— Гап йўқ, ҳозир бир челак сув олиб чиқиб бераман.

* * *

Болакай дадасидан сўради:

— Дада, ички иштонимнинг қаери олди, қаери орқаси?

— Сенга юз марта айтганман. Оқ доғли томони олди. Сариқ доғлиси орқаси.

* * *

Врач кичкинагина болага укол қиляпти. У йиғлай бошлаганди, врач юпатишга тушди.

— Қара, пашша! Ҳов ана!..

Укол тугаши билан болакай югуриб онасига ёпишди.

— Ойи, пашша орқамни чақиб қочди!

* * *

Беш яшар бола кўчада конфет еб ўтирганди. Бир аёл ўтиб қолди.

— Хола, конфет ейсизми?

— Майли.

— Хўш, мазалимикан?

— Жудаям.

— Қизиқ, унда итим нега тупуриб ташладийкин?

* * *

Балиқчи олтин балиқ тутиб олди. Балиқ сўради:

— Учта тилагингни айт, бажо келтираман!

— Менга темир-терсак заводи, зўр машина ва кўп хонали квартира ҳозирла!

— Кредитга оласанми, ё нақдигами?

* * *

— Тошматвой, мана бу топишмоқни топ-чи! Ҳамма нарсани билади, ҳамма нарсани кўриб туради, ҳамма нарсани эшитиб туради. У ким?

— Қўшнимиз Орзи хола.

* * *

Фойдали маслаҳат:

— Агар квартирангиздаги кранлардан сув томчилаётган бўлса, уста чақириб овора бўлманг! Пастдаги қўшнининг ўзи чақириб келади.

* * *

Эркак қўшнисиникига кирса, тухумни ғалати тарзда қовураяпти. Олдида учта плита. Тухум солинган идишни гоҳ унисига, гоҳ бунисига қўяди…

— Қўшни, тухум қовуришнинг янги усулини топдингизми дейман? — сўради у.

— Э, қанақа усул?.. Монтёр ярамас менинг уйимга светофорнинг токини улаб кетибди.