Ўзбекистон тарихида биринчи марта аёл киши Сенатга раис бўлди
0
36
Пайшанба куни Бош вазир ўринбосари, Хотин-қизлар қўмитасининг раиси лавозимидан кетган Танзила Норбоева 21 июнь куни Сенатнинг 20-ялпи мажлисида Сенат раиси лавозимига тасдиқланди.
Ўзбекистон тарихида илк марта аёл киши Сенат раиси бўлди. Унинг номзодини Конституциянинг 86-моддасига мувофиқ президент Шавкат Мирзиёев тавсия қилган.
Президент Норбоевани Сенат раиси лавозимига тақдим қилар экан: «…айниқса, болалар меҳнатини йўқотишдаги ҳаракатларини эъзозлайман», деб айтган.
Сенатнинг аввалги раиси Ниғматулла Йўлдошев 20 июнь куни Бош прокурор лавозимига тайинланган эди.
Норбоева 2010-2016 йилларда Касаба-уюшмалари федерациясига, 2016 йилнинг декабридан то шу кунгача Хотин-қизлар қўмитасига раислик қилган, айни пайтда Бош вазир ўринбосари бўлган.