Ыранхи куна ĕненеççĕ
Донецк халăх республикинчен амăшĕпе ывăлĕ Чăваш Ене куçса килнĕ. Асламăшĕпе аслă хĕрĕ вара урăх хулара хӳтлĕх тупнă. Апла пулин те Гелых çемйи шанăçа çухатмасть, пурнăç таппи малтанхи йĕркене кĕрессе ĕненет. Чăваш Енре те аяккран килнĕскерсем ыранхи куна ĕненсе телейне тупасса шанаççĕ. Григорий Гелых амăшĕпе пĕрле Горловка хулинчен куçса килнĕ. Çемье хальлехе «Кĕрен парăс» кану лагĕренче пурăнать. «Чăваш Ен хăйĕн илемĕпе тыткăнларĕ», – палăртать çамрăксер. Анчах та тăван килсĕр тунсăхланине те пытармасть Григорий. Пăлхануллă лару-тăрăва халĕ те йывăррăн аса илет вăл. ГРИГОРИЙ ГЕЛЫХ: «Питĕ хăрушă. Çапларах самант пулнине астăватăп – пеме пуçларĕç. Эпир пурте путвала анма пухăнтăмăр. Ку вĕрентӳ мар, хамăра хамăр хӳтĕлес тесе путвал пӳлĕмне антăмăр. Ун чухне, май пур таран ашшĕ-амăшĕсем ачисене килсе илме тăрăшрĕç. Камăн вара килеймен – вĕсем шкулти путвалтах ларса юлчĕç». Григорий Гелых халĕ Александр Кочетов ячеллĕ кадет корпусĕнче 9-мĕш класра ăс пухать. «Кунта вĕренме май килнĕшĕн савăнать çамрăк. Вĕрентекенсем ырă кăмăллă, яланах пулăшаççĕ, уроксем вара кăсăклă иртеççĕ», – палăртать кадетсен ретне кĕнĕскер. Çирĕп йĕркене пахăнма та майĕпен хăнăхса çитнĕ вăл. Малашне хăйĕн пурнăçне çар пурнăçĕпе çыхăнтарас шухăша та пытармасть Григорий. ВЕНЕРА ВАЗИКОВА: «Гриша малтанхи килсенех ачасемпе пĕр чĕлхе тупрĕ. Вăл питĕ çемçе кăмăллă. Хăйĕн патне çынсене туртантарать тесе калмалла. Гриша ĕнте вăл хăй мĕнле хăйне тытнипеле, хăй мĕнле вĕреннипе, хăй мĕнле ачасене пулăшнипеле класри ачасене хăй йĕри тавра пуçтарчĕ, туслашрĕ. Халĕ вĕсем пурте пĕр-пĕринпеле питĕ туслă». Класра тус-юлташсем тупма ĕлкĕрнĕ те Григорий. Уçă та ырă кăмăлне пулах кашниех ун патне туртăнать. – Гриша питĕ лайăх ача, маттур. Эпир унпа питĕ туслă. – Яланах ăна пулăшма тăрăшатпăр